பள்ளிக்கல்வி பாதுகாப்பு இயக்கமும், பாரதி புத்தகாலயத்தின் புக்ஸ் ஃபார் சில்ரனும் இணைந்து, இந்தச் சிறார் வாசிப்பு நூலை வெளியிட்டுள்ளன.

16 பக்கம் கொண்ட இந்தச் சின்ன வாசிப்பு நூலில், கருப்பு வெள்ளை படங்களுடன் கூடிய இரண்டு கதைகள் உள்ளன.

சிரிசிரி சிங்கம், கடுகடு சிங்கமாக மாறியது ஏன்? அது ஒளித்து வைத்த சிரிப்புப் பை, எங்கே போனது? குட்டி யானை கோகிலா எங்கே? குட்டிக் குரங்கு குமரன், கோகிலாவை விழுங்கி விட்டதா? என்றெல்லாம் தெரிந்து கொள்ள ஆசையா? இக்கதைப் புத்தகத்தை வாங்கி வாசியுங்கள்.

இரண்டு மூன்று வார்த்தைகள் மட்டுமே கொண்ட சின்ன வாக்கியம், குழந்தைகளுக்குத் தெரிந்த எளிய சொற்கள், ஒரே சொற்கள் கதையில் மீண்டும் மீண்டும் வருதல் ஆகியவை, இந்நூலின் சிறப்பு அம்சங்கள்.

மிக எளிமையான மொழியில் அமைந்திருப்பதால், வாசிப்பின் நுழை வாயிலில் இருக்கும் குழந்தைகளுக்கும், எழுத்துக் கூட்டி வாசிக்கும் குழந்தைகளுக்கும் ஏற்ற கதைப் புத்தகம்.