16 பக்கம் கொண்ட இந்தப் புத்தகத்தில், ஆங்கிலக் கதைகளைத் தழுவி எழுதப்பட்ட இரண்டு கதைகள் உள்ளன. கருப்பு, வெள்ளை படங்களும் உண்டு. விலை ரூபாய் இருபது மட்டுமே.
வாசிப்பு இயக்கத்தை முன்னெடுக்கும் பள்ளிக் கல்விப் பாதுகாப்பு இயக்கமும், சென்னை பாரதி புத்தகாலயத்தின் புக்ஸ் ஃபார் சில்ரனும் இணைந்து, ஏற்கெனவே 5 சிறார் வாசிப்பு நூல்களை வெளியிட்டுள்ளன. அந்த வரிசையில் சிறார் வாசிக்கக்கூடிய மிக எளிய மொழியில், குறைந்த விலையில், இந்தச் சிறார் வாசிப்பு நூல் வெளியாகி உள்ளது.
பெரிய எழுத்தில் மிகக் குறைந்த சொற்களில், குழந்தைகளுக்குத் தெரிந்த எளிய சொற்களைக் கொண்டு உருவாக்கப்பட்ட புத்தகம். வாசிப்பின் நுழை வாயிலில் இருக்கும் குழந்தைகளுக்கும், எழுத்து கூட்டி வாசிக்கும் குழந்தைகளுக்கும் ஏற்ற கதைப் புத்தகம் இது.
நீங்கள் ஜாலியாக ராட்டினத்தில் சுற்றி இருக்கிறீர்களா? மகிழ் இறக்கை இல்லாமல், எப்படி வானத்தில் பறந்தான்? பாலா அடித்த பந்து பறந்து எங்கே போனது? என்றெல்லாம் தெரிந்து கொள்ள ஆசையா? இந்தக் கதைப் புத்தகத்தை வாங்கி வாசியுங்கள்.
| வகை – (ஆங்கிலக் கதைகளின் தழுவல்) | சிறார் கதைகள் |
| ஆசிரியர் – | ஆதி வள்ளியப்பன் |
| வெளியீடு:- | புக்ஸ் ஃபார் சில்ரன், சென்னை-18 8778073949. |
| விலை | ரூ 20/- |