பள்ளிக்கல்விப் பாதுகாப்பு இயக்கமும், பாரதி புத்தகாலயமும் இணைந்து குழந்தைகளின் வாசிப்பை ஊக்குவிக்கும் நோக்கத்தில், மிகக் குறைந்த விலையில், ஏற்கெனவே 11 சிறார் வாசிப்பு நூல்களை வெளியிட்டுள்ளன. அந்த வரிசையில் சிறார் வாசிக்கக் கூடிய மிக எளிய மொழியில், இந்தச் சிறார் வாசிப்பு நூல் வெளியாகியுள்ளது.

குழந்தை வாசிக்கக் கூடிய எளிய மொழி, சிறு சிறு வாக்கியம், படங்கள் ஆகியவை, இந்த வாசிப்பு இயக்கச் சிறு புத்தகத்தின் வேர்கள். இது வாசிப்பின் நுழை வாயிலில் இருக்கும் குழந்தைகளுக்கும், தமிழை எழுத்துக் கூட்டி வாசிக்கும் குழந்தைகளுக்கும் மிகவும் ஏற்றது. இதில் நான்கு கருப்பு வெள்ளை படங்களுடன் கூடிய இரண்டு குறுங்கதைகள் உள்ளன.

சின்னா தன் வீட்டில் செல்லமாய் வளர்த்த விலங்கு பூனையா? அல்லது புலியா? சின்னா அதை ஏன் காட்டில் கொண்டு போய் விட்டான்? அம்முவிடம் பூமியில் விழுந்த குட்டி நட்சத்திரம் என்ன உதவி கேட்டது? அது மீண்டும் வானத்துக்குப் போனதா? என்ற சுவாரசியமான கேள்விகளுக்கு விடை தெரிய வேண்டுமா? இந்தக் கதைப் புத்தகத்தை வாங்கி உங்கள் குழந்தைக்கு வாசிக்கக் கொடுங்கள்.

வகை – சிறார் வாசிப்பு நூல்	குறுங்கதைகள்
ஆசிரியர்	புவனா சந்திரசேகரன்
வெளியீடு:-	புக்ஸ் ஃபார் சில்ரன், பாரதி புத்தகாலயம், சென்னை-18.
விலை	ரூ 20/-