இத்தொகுப்பில் 12 கதைகள் உள்ளன  தரமான வழுவழுப்பான தாளில், கதைகளுக்கேற்ற வண்ண ஓவியங்கள் கொண்ட அழகான நூல். ஓவியங்களை வரைந்தவர், கி.சொக்கலிங்கம்.

நன்மை செய்தால், நல்லது கிடைக்கும்; துவக்கத்தில் கஷ்டப்பட்டாலும் பின்னர் இன்பமாக வாழலாம்,  கருமியாக இல்லாமல், பிறருக்கு உதவ வேண்டும் போன்ற அறநெறிகளையும், நல்ல எண்ணங்களையும் விதைக்கும் கதைகள் பல; 

ஒவ்வொருவருக்கும் இயற்கையாய் இருக்கும் நிறமே, அழகு; நிறத்தில் உயர்வு, தாழ்வு ஏதுமில்லை; கறுப்பு மட்டமான நிறமில்லை என்ற கருத்தைக் குழந்தைகள் மனதில் பதிக்கும் கதை, ‘நிறம் மாறிய காகம்’

பூமி மனிதனுக்கு மட்டுமே சொந்தமானதில்லை; எல்லா உயிர்க்கும் உரியது.  இயற்கையை நேசித்து, மற்ற உயிர்களிடமும் அன்பு காட்ட வேண்டும் என்ற உயரிய கருத்தைக் குழந்தைகள் மனதில் விதைக்கும் கதை, ‘உயிர்களிடத்து அன்பு வேணும்.’  

குழந்தைகள் எளிதாகப் புரிந்து கொள்ளக் கூடிய நீதிக்கதைகள்.

வகை	சிறுவர் கதைகள்
ஆசிரியர்	தொகுப்பும் மொழிபெயர்ப்பும் – யூமா வாசுகி
வெளியீடு	எஸ்.ஆர்.வி தமிழ்ப் பதிப்பகம், சமயபுரம்,திருச்சி
விலை	ரூ 160/-